Salyanda manyak peyda olub - Polis HƏRƏKƏTƏ KEÇDİ - FOTO

Sosial şəbəkələrdə Salyan rayonunda bir nəfər şəxsin qadınlara qarşı əxlaqsız hərəkətlər etdiyi, hədə-qorxu gəlməsi və şantaj yolu ilə onlarla məcburi tanış olması ilə bağlı məlumatlar paylaşılıb. 

Daxili İşlər Nazirliyinin Mətbuat Xidmətinin Şirvan regional qrupunun baş inspektoru, polis kapitanı Nizam Həmidov Lent.az-ın sorğusuna cavabında bildirib ki, sosial şəbəkələrdə paylaşılan məlumatla əlaqədar dərhal Salyan Rayon Polis Şöbəsində müvafiq araşdırmalara başlanılıb, rayon sakini M.Rzayev polis şöbəsinə dəvət olunub: "Aparılan araşdırmalar zamanı qeyd edilən iddiaların böhtan xarakterli olduğu müəyyən edilib. Bundan əlavə, qeyd etmək istəyirəm ki, həmin şəxsin hər hansı bir vətəndaşa qarşı hədə-qorxu gəlməsi və ya şantaj etməsi ilə bağlı polisə rəsmi qaydada müraciət daxil olmayıb".