Sanksiyaya görə yüzlərlə rus Antalya və Şarm əl-Şeyxdə gözləyir

Rusiyanın “Red Wing” şirkəti bu günlərdə Qazaxıstan, Türkiyə və Misirə çox sayda uçuşu ləğv edib. 

Avtosfer.az-ın xəbərinə görə, buna səbəb şirkətin 2 “Boeing”inin nasazlığıdır. Sanksiyalara görə ehtiyat hissə əldə etmək mümkün deyil. Təyyarələr anqarda, sərnişinlər isə hava limanlarında gözləyir. 

Ötən günlərdə 3 yüzədək sərnişin Yekaterinburq aeroportuna gəlsə də, təyyarə olmadığı üçün Antalya və Şarm əl-Şeyxə uçuşlar ləğv edilib. Sözügedən şəhərlərdə də rus turistlər vətənə qayıtmaq üçün yayın istisində gözləməli olublar. 

2 gündən sonra dövlətin müdaxiləsi ilə Türkiyə və Misirdə qalan sərnişinləri xarici şirkətlərin təyyarələri ilə gətirmək mümkün olub. Rusiya prokurorluğu faktı araşdırır. 

Hazırda Türkiyənin başqa şəhərlərində istirahət edən ruslar da oxşar problemlərlə üzləşiblər. Lakin Türkiyənin aviadaşıyıcıları ilə uçan Rusiya vətəndaşları üçün heç bir problem yoxdur.

Vüqar