Saxta pullar çoxalır: Mərkəzi Bank araşdırma aparır - FOTO

Etibarsız pulların dövriyyəyə salınması ilə bağlı problemlərlə tez-tez qarşılaşırıq.
Avtosfer.az xəbər verir ki, son zamanlarda saxta pullardan istifadə edən şəxslər saxlanılır və sayları yetərincə artıb. Üstəlik bəzi toylarda gənclərin maraq obyektinə çevrilən "şabaş" məsələsi ilə bağlı etibarsız pullardan istifadə olunur. Bəzilərinin üzərində “etibarsız” sözü belə yazılmır. Bu pulların satılması isə artıq hər bir köşkdə rast gəlinən haldır. Bəzi şəxslər isə həmin pullardan istifadə edərək insanları aldadır. 
Mövzu ilə bağlı Azərbaycan Respublikası Mərkəzi Bankının mətbuat katibi Namiq Əliyev bildirdi ki, sözü gedən məsələ ilə bağlı araşdırmalar aparıb yaxın müddətdə məlumat veriləcək.
Qeyd edək ki, üzərinə “ETİBARSIZDIR” sözü yazılmayan saxta pullara görə vətəndaş məsuliyyətə cəlb edilir.
Nurlan Sakitoğlu