Şəhərin mərkəzində qəzalı binanın sakinləri niyə köçürülmür? - VİDEO

Yaşı az qala əsrə bərabər iki mərtəbəli bina qəzalı vəziyyətdədir. Paytaxtın mərkəzində Nəsimi rayonu 28 may küçəsi 50 ünvanının sakinləri iddia edir ki,artıq mənzilləri yaşanılası vəziyyətdə deyil.

Avtosfer.az xəbər verir ki, sakinlər iddia edir ki, ikimərtəbəli yaşayış binasının dam örtüyü də daxil olmaqla eyvanlar, pilləkanları təhlükəli vəziyyətdədir.

Nəsimi rayon Mənzil Kommunal Təsərrüfatı Birliyinin rəisi Nizami Mayılov qeyd edib ki, 28 may küçəsi 48-50-52 və Puşkin küçəsinin əhatəsindəki kvartaldakı yaşı 100-dən çox olan binalar istismar müddətini başa vurub.

Nizami Mayılov qeyd edib ki, kvartalın asfalt örüyü dəyişdirilib. Binalar köçürülənədək yaşanan problemlərin qarşısını almaq məqsədi ilə qurum mütəmadi ərazini nəzarətdə saxlayır.Tikinti şirkətləri əraziyə baxış keçirib qərar verdikdən sonra isə əhali köçürülə bilər.