Sel Göyçay çayı üzərindəki piyada və avtomobil körpüsünə ziyan vurdu - FOTO

Sel suları M4 Bakı-Şamaxı-Yevlax avtomobil yolunun Göyçay çayı üzərindəki piyada və avtomobil körpüsünə ziyan vurub.

Belə ki, sözügedən yolun 194-205 kilometrliyində Göyçay körpüsü sel suları altında qalıb və nəticədə sözügedən ərazidə nəqliyyatın hərəkəti dayandırılıb.

Avtosfer.az xəbər verir ki, yaranan problemin aradan qaldırılması üçün Azərbaycan Avtomobil Yolları Dövlət Agentliyi tərəfindən hadisə baş verdiyi andan etibarən tədbirlər görülür, əraziyə xüsusi texnikalar və canlı qüvvə səfərbər olunub.

Sözügedən ərazi nəzarətdə saxlanılır.