Sumqayıtda avtomobil təmiri sexi, Bakıda avtomobil yanıb

Sumqayıt şəhərində ümumi sahəsi 42 m² olan avtomobil təmiri sexinin içərisində avtomobil ehtiyat hissələri, məişət tullantıları və yağ qalıqları 8 m² sahədə yanıb. Yüksək temperaturdan lambirdən ibarət tavan 15 m² sahədə əriyib.

Fövqəladə Hallar Nazirliyindən Avtosfer.az-a bildirilib ki, sexin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

Bundan əlavə, Bakı şəhərinin Suraxanı rayonunda "Mercedes" markalı minik avtomobilinin salonu və mühərrik hissəsi yanıb. Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb