Təmir sexində BMW-nin motorunu oğurladı

Bakıda avtomobil qarət olunub. Daxili İşlər Nazirliyindən Avtosfer.az-a verilən məlumata görə, Nərimanov rayonu ərazisində yerləşən bir emalatxanadan “BMW” markalı avtomobilin 1800 manat dəyərində mühərrikinin qeyri-aşkar şəraitdə oğurlanması barədə polisə məlumat daxil olub.

Nərimanov rayon Polis İdarəsinin 17-ci Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Qubadlı rayon sakini Fərid Hüseynov müəyyən olunaraq saxlanılıb.

Araşdırma aparılır.