Təyyarə mühərrikli Ukrayna elektromobili - FOTO

Sovet Ukraynasının ərazisində çox sayda elmi-tədqiqat müəssisəsi, sınaq-təcrübə zavodları fəaliyyət göstərib. Burada formalaşan elmi potensial yeni ixtiralara imkan verib.

Avtosfer.az-ın xəbərinə görə, 90-cı illərdə Paton adına Elektrik qaynağı İnstitutunun əməkdaşları “Kiyev-1103” adlı elektromobil layihələndirir. 

Mühərrik olaraq o vaxtı başlı-başına qalmış MIQ-29 qırıcılarının starteri götürülür. 25 at gücü mühərrik cəmi 11 kiloqram idi. Texnika üçün İsraildən batareya, Çexiyadan kuzov materialı gətirildi. Maşın 1 dolumla 200 km qət edə bilirdi ki, bu da həmin dövr üçün ideal nəticədir. 

Avtomobilin kütləvi istehsalı planı isə həyata keçmədi. 2001-ci ilədək istismar olunan maşın sonradan bir     təmir müəssisəsinin həyətində uzun müddət qaldı. Texnikanın sonrakı taleyi naməlumdur.