Təyyarə qəzasında itkin düşən 4 uşaq 17 gündən sonra sağ tapıldılar

Kolumbiyada "Cessna 206" təyyarəsinin qəzaya uğramasından 17 gün sonra itkin düşən 4 uşaq cəngəllikdə sağ tapılıb.

Avtosfer.az xəbər verir ki, bu barədə ölkə rəhbəri Qustavo Petro məlumat yayıb.

“Biz Quaviarda təyyarə qəzasında itkin düşən dörd uşağı sağ-salamat tapdıq. Ölkə üçün sevinc”, - Petro "Twitter"də yazıb.

Qeyd edək ki, mayın 1-də "Cessna 206" təyyarəsi radarlardan itib. 370 saatlıq axtarışdan sonra təyyarənin qalıqları meşəlik ərazidə aşkar edilib. Təyyarənin qəzaya uğraması nəticəsində 2 pilot və uşaqların anası həyatlarını itirib. Səlahiyyətlilər hadisədən sonra dörd azyaşlının axtarışına başlayıb.

Uşaqların yaşı 13, 9, 4 yaş 11-dir. Yerli mətbuat onların hazırda təhlükəsiz olduğunu bildirib.

Unikal