Trampın əlindəki ləkələrin səbəbini açıqladı

ABŞ Prezidenti Donald Trampda tibbi müayinədən sonra xroniki venoz çatışmazlıq aşkarlanıb. 

Avtosfer.az “Fox News”a istinadən xəbər verir ki, bu barədə Ağ Evin mətbuat katibi Kerolayn Levitt bildirib.

“Prezident hərtərəfli müayinədən keçib, o cümlədən damarların diaqnostikası, aşağı ətrafların venalarının ikitərəfli doppler ultrasəs müayinəsi”, - mətbuat katibi açıqlayıb.

Levitt əlavə edib ki, diaqnostik nəticələr xroniki venoz çatışmazlıq, xüsusilə 70 yaşdan yuxarı insanlar arasında xoşxassəli və ümumi bir vəziyyət aşkar edib.

Ağ Evin mətbuat katibi onu da qeyd edib ki, son həftələrdə Amerika liderinin ayaqlarının altında “şişlik” müşahidə olunub. Bundan əlavə, ABŞ prezidentinin son fotoşəkillərində onun əlində “kiçik qançırlar” görünüb. Levitt bunları tez-tez əl sıxma və aspirin qəbulu səbəbindən yumşaq toxumaların qıcıqlanması ilə izah edib.