Ukrayna MiQ-29 qırıcı təyyarələrindən istifadə etməyə başlayıb

Ukrayna Polşa və Slovakiyadan tədarük etdiyi MiQ-29 qırıcı təyyarələrindən istifadə etməyə başlayıb.

“Report” “RBK Ukraina”ya istinadən xəbər verir ki, bu barədə Ukrayna Silahlı Qüvvələri Baş Qərargahının Baş Əməliyyat İdarəsinin rəis müavini Aleksey Qromov deyib.

O, Ukrayna ordusunu dəstəklədiyinə görə müttəfiqlərə təşəkkür edib.

A.Qromov həmçinin ABŞ-ın F-16 qırıcı təyyarələrinin yaxın vaxtlarda Ukraynaya təhvil veriləcəyinə ümidvar olduğunu bildirib.