Uşaq olan avtomobil qaçırıldı, “Volkswagen” yerini demək üçün pul istədi

Bu hadisə ABŞ-da baş verib. 
Avtosfer.az-ın xəbərinə görə, Çikaqoda qadının avtomobili qaçırılıb. Bu zaman 2 yaşlı uşaq da salonda olub.
Qadın polisə müraciətində avtomobildə naviqasiya sisteminin olduğunu və bunun da maşının yeriniu müəyyən etməyə imkan verdiyini bildirib. Lakin bir problem vardı. Abunəliyin müddəti bitmişdi.
Müstəntiq “Volkswagen”in təmsilçisi ilə əlaqə saxladıqda cavab belə olur: 150 dollar abunə haqqı ödəyin koordinatı verək. 
Qadın 150 dollar ödədikdən sonra sistem aktivləşir və polis maşının yerini təsbit edir. Uşaq salamat tapılır. 
Lakin bu hadisədən sonra sosial şəbəkədə “Volkswagen”ə qarşı ciddi narazılıq baş qaldırır.