ÜST-ün baş direktoru da karantinə gedir

Ümumdünya Səhiyyə Təşkilatının (ÜST) baş direktoru Tedros Adhanom Qebreisus yaxın zaman ərzində özünütəsrid rejiminə əməl edəcəyini deyib.

Bu barədə o, “Twitter” hesabında yazıb.

“COVID-19 testi müsbət çıxan şəxslə təmasda olduğum müəyyənləşdirilib”, - deyə o qeyd edib.

Qebreisus bildirib ki, özünü yaxşı hiss edir və onda xəstəlik əlamətləri yoxdur:

“Önümüzdəki günlərdə ÜST protokollarına uyğun olaraq təcrid olunacağam və evdən işləyəcəyəm”.

O qeyd edib ki, koronavirusun yayılmasına qarşı bütün tələblərə aydın şəkildə əməl olunması vacibdir.

“Məhz bu şəkildə COVID-19-un ötürülmə zəncirini qıracağıq” , - ÜST-ün direktoru bildirib.