XİN rəsmisi Xankəndi yolundakı vəziyyət barədə: “Blokada ilə bağlı iddialar yalandır” - VİDEO

“Nəqliyyat vasitələri və erməni təcili yardım maşınları Laçın yolundan sərbəst keçir”. 

Bunu Azərbaycan Xarici İşlər Nazirliyinin Mətbuat xidməti idarəsinin rəisi Ayxan Hacızadə özünün “Twitter” səhifəsində Şuşa-Xankəndi yolunun Azərbaycan tərəfindən bağlanması və humanitar blokadanın yaranması iddialarına cavab verərkən deyib. 

“Belə hallar gün ərazində bir neçə dəfə təkrarlanır. Blokada ilə bağlı iddialar yalandır”, - deyə o əlavə edib. 

Qeyd edək ki, dekabrın 12-dən etibarən Şuşa-Xankəndi yolunda aksiya keçirilir. 

Bu gün Beynəlxalq Qırmız Xaç Komitəsi (BQXK) 1 nəfər xəstənin həkim və tibb bacısının müşayiəti ilə Xankəndidən Ermənistana aparılması üçün Azərbaycana tərəfinə müraciət edib.
Müraciətə dərhal cavab verilib və keçid uğurla təşkil olunub.

Nəticədə BQXK-nın maşınları və ermənilərə məxsus təcili yardım avtomobili Xankəndidən Laçın istiqamətində maneəsiz şəkildə hərəkət ediblər.

Bu, bir daha göstərir ki, humanitar məqsədli maşınların keçidi üçün heç bir məhdudiyyət yoxdur.

Contrary to the misinformation on the “blockade,” the @ICRC vehicles and #Armenian ambulances are passing freely through the #Lachin road. This is on top of multiple cases of passing through the road several times each day. Claims about the blockade are fake news! pic.twitter.com/BgvYIcTudg

— Aykhan Hajizada (@Aykhanh) December 19, 2022