Yarımçıq qalan arzular: 1992-ci il zəlzələsində nəvəsini itirib İzmirə köçdü, yenə nəvələrini zəlzələdə itirdi
Xəbərlər
1 Noyabr 2020 11:45
Oxunub 1516
Hayati Uzun 1992-ci ildə Türkiyənin Ərzincan vilayətində meydana gələn zəlzələdə nəvəsi Əmrahı itirib. Bundan sonra ailə İzmirə yerləşib. Podratçı Həyati Uzun Bayraklıda tikdirdiyi binaya zəlzələdə ölən nəvəsinin adını verib. Ancaq İzmir zəlzələsində dağılan ilk binalardan biri də Əmrah Binasıdır.
Bu barədə “Hürriyet” xəbər verir.
Məlum olub ki, Həyati Uzun İzmir zəlzələsində öz adını daşıyan 17 yaşlı nəvəsini, gəlini Rəbiyyə Uzunu və başqa bir nəvəsini itirib. Ağır xəsarət alan oğlu Bora isə dağıntıdan qurtarılaraq xəstəxanaya aparılıb.
İzmir zəlzələsində Əmrah və Rızabəy Binası zəlzələdə ən çox zərər görən iki binadır. Hər ikisi də Bayraklıda yerləşir.
Onları birləşdirən digər məqam isə binaların yerləşdiyi ərazinin keçmişdə kartof və çuğundur tarlası olmasıdır.
Hər iki binanın zəlzələyə qarşı möhkəmləndirildiyi deyilsə də, onlar silkələnməyə tab gətirməyiblər.
ŞƏRH YAZ
