Yaxın 20 ildə azı 42 000 təyyarə istehsal edilməlidir

“Boeing” şirkətinin proqnozuna görə yaxın 20 ildə dünyada mülki aviasiya donanması 2 dəfə böyüyəcək. ABŞ-li istehsalçının fikrincə, 2042-ci ildə 48 575  təyyarəyə ehtiyac olacaq. Hazırda dünyada 25 minə yaxın təyyarə istismar olunur.  Ehtiyacı ödəmək üçün bütün aviakonstruktorlar 42 595 maşın istehsal etməlidir. Bu texnikanın yarısı köhnəlmiş təyyarələri əvəzləmək üçün lazım olacaq. 

Avtosfer.az-ın xəbərinə görə, amerikalı istehsalçı hazır məhsulun da bazarlar üzrə bölgüsünü aparıb. Şirkətin iqtisadçılarının qənaətinə görə, yeni təyyarəlırin 23%-i Şimali Amerikanın, 22%-i Asiya-Sakit okean regionunun, 21%-i isə Asiyanın ehtiyacını ödəyəcək. Yeni təyyarələrin 20%-i isə təkcə Çinin ehtiyacını ödəmək üçün lazım olacaq.  

“Boeing”in proqnozuna görə, 2041-ci ildə dünyada 47 080 hava gəmisi istismarda olacaq. Bu ehtimal əsas rəqib olan “Airbus”un ötən ay verdiyi proqnozdan ciddi fərqlənmir. Avropalı istehsalçı proqnozunda həmin tarixdə 46 560 təyyarənin istismarda olacağını qeyd edirdi.

Bundan əlavə, amerikalı istehsalçının qənaətinə görə, dünyada illik ümumi daxili məhsulun artımına paralel olaraq təyyarəyə tələbat da artacaq. Orta təbəqədən olan 500 milyon insanın hər il təyyarə ilə səfər etməsi aşağı büdcəli aviaşirkətlərin çoxalması ilə nəticələnəncək. 2042-ci ilədək loukosterlərin sayı 2 dəfə artacaq. Yük təyyarələrinə tələbat isə daha çox – ildə təxminən 3,5% artacaq.

Vüqar