Yelkənçilərimizdən Gürcüstandakı yarışda birincilik

Azərbaycan Yelkən Federasiyası “Tbilisi Open Championship 2023”də iştirak edib.

14-16 iyul tarixlərində Gürcüstanın Tbilisi şəhərində “Tbilisi Open Championship 2023” yarışı keçirilib.  Azərbaycanı yığma komandamızın idmançıları Furkan Mustafayev, Nurlan Ağazadə, Amira Bayramova, Muhammed Məmmədzadə, Kamal Bəşirli, məşqçi Yasin Çakır və komanda rəhbəri Azərbaycan Yelkən Federasiyasının vitse-prezidenti Burcu Algon Giorgianni təmsil edib. 

3 günlük yarışdan sonra “Tbilisi Open Championship 2023”də nəticələr bəlli olub. Yarışlarda “Junior” kateqoriyasında Kamal Bəşirli1-ci yerə, Furkan Mustafayev2-ci yerə, Muhammed Məmmədzadə 3-cü yerə layiq görülüb.

“Overall” kateqoriyasında isə Kamal Bəşirli 1-ci, Furkan Mustafayev 2-ci, Boris Lukianov (Ukrayna vətəndaşı) isə 3-cü yeri tutub. 

Məlumat üçün bildirək ki, “Baku Sailing Regatta 2023”də Gürcüstan Yelkən Federasiyası Azərbaycana qonaq gələrək yarışlarda iştirak etmişdilər. Belə yarışların keçirilməsi qonşu dövlətlərin idman sahəsində də daha sıx əlaqələr qurmağına səbəb olur.