Yol polisi sərxoş sürücünü GÜLLƏLƏDİ

Krımda yol polisi müfəttişi avtomobilin təkərlərinə atəş açıb.

Avtosfer.az xəbər verir ki, təkərlərə atılan güllə sürücünün başınadəyərək onu öldürüb.

Hadisə aprelin 30-da axşam saatlarında Feodosiyada baş verib. Yol müfəttişləri “Nissan” markalı avtomobili idarə edən sərxoş sürücüyə “saxla” əmri veriblər. Ancaq o, bu tələbə məhəl qoymayıb. Təqib zamanı polis əməkdaşı havaya xəbərdarlıq atəşi açıb. Sonra polis həmin avtomobilin təkərlərinə bir neçə güllə atıb. Avtomobil işıq dirəyinə çırpılaraq aşıb.

Hadisə nəticəsində sürücü, 55 yaşlı Yujnoye kənd sakini başından aldığı güllə yarasından yerindəcə keçinib.