Yol xəttinə məhəl qoymayan sürücü başqasının zolağına girdi - VİDEO

Ara məsafəsindən istifadə etdi, yol xəttini tapdalayaraq sol zolağa keçdi. 

Avtosfer.az xəbər verir ki, hadisə martın 18-i Heydər Əliyev prospektinin başlanğıcında baş verib. Sürücünün videoregistratoruna düşən görüntüdən məlum olduğu kimi öz yoluyla hərəkət edən avtomobillərdən fərqli olaraq sağ tərəfdən anidən gələn maşın onun zolağına girməyə çalışıb. Yolda işarələnən xətti gözardı edən “DongFeng” markalı, 90-PG-376 dövlət nömrə nişanlı avtomobilin sahibi sol istiqamətdə maşınların hərəkətinə məhəl qoymayaraq onlardan birinin yoluna daxil olub.

İşini ehtiyatlı görən sürücü ara məsafəsini nizamladığı üçün araya girən maşınla hər hansı bir qəza şəraitinin yaranmasının qarşısını alıb. Və bunu paylaşaraq öz hesabın işıqlandıran ehtiyatlı sürücü ara məsafəsiylə bağlı məsələyə də toxunub. O qeyd edib ki, mövcud qaydaya uyğun olaraq ara məsafəsini təyin etdiyi zaman bu tipli hallarla çox qarşılaşır. Yaranan ara məsafəsini “qiymətləndirən” sürücülər avtomobillərini həmin hissəyə salaraq özlərini qabağa düşmüş kimi hiss edirlər.

Nərmin Əkbər