Yuxuda oğrunu, gerçəkdə özünü güllə ilə vurdu

ABŞ-da maraqlı hadisə baş verib. Belə ki, İllinoys sakini yuxu zamanı öz ayağını güllə ilə vurub. Avtosfer.az xəbər verir ki, bu bardə İllinoys polisi yerli KİV-ə məlumat verib.
Məlumata görə, 62 yaşlı Mark Dikar yuxuda olarkən, naməlum şəxsin onun evinə girdiyini görüb. Bundan sonra o, “Magnum-357” markalı revolveri götürərək evinə girən “naməlum şəxsə” atəş açıb. Nəticədə kişi özünü ayağından yaralayıb. 
Yaralıya ilkin tibbi yardım göstərilib. Daha sonra polis, Markı qanunsuz odlu silah saxlamağa görə şöbəyə aparıb. O, 150 min dollar girov müqabilində sərbəst buraxılıb. 
Onun hakim qarşısına çıxarılacağı bildirilir.

Namiq