Zaqatala sərhədçiləri hindistanlını saxladı - FOTO

Balakəndə sərhədi pozan əcnəbi saxlanılıb.

Dövlət Sərhəd Xidmətindən Avtosfer.az-a verilən məlumata görə, dekabrın 9-da saat 1:45-də Dövlət Miqrasiya Xidməti ilə birgə tədbirlər keçirilib. Nəticədə Sərhəd Qoşunlarının “Zaqatala” sərhəd dəstəsinin Balakən rayonunun Poçtbinə kəndi yaxınlığında yerləşən sərhəd zastavasının xidməti ərazisində dövlət sərhədini pozaraq Azərbaycandan Gürcüstan istiqamətində keçməyə cəhd edən Hindistan vətəndaşı 24 yaşlı Ponnaganti Ayyappa Reddy oğlu saxlanılıb.

Araşdırma zamanı saxlanılan şəxsin rəsmi qaydada ölkə ərazisinə gəlməsi, daha sonra dövlət sərhədini pozaraq Azərbaycandan Gürcüstana, oradan isə Avropa olkələrindən birinə miqrasiya etmək niyyətində olduğu müəyyən edilib.

Fakt üzrə əməliyyat-istintaq tədbirləri davam etdirilir.