Zəlzələ zamanı Türkiyədə İpək Yolu üzərində yerləşən tarixi körpü dağılıb - FOTO

Türkiyənin Adıyaman şəhərinin Tut rayonunda yerləşən tarixi Vicina körpüsü Kahramanmaraş zəlzələləri nəticəsində dağılıb.
Göksu çayı üzərində inşa edilən Vicina körpüsü ticarət məqsədli istifadə edilən məşhur İpək Yolu üzərində yerləşir.
Tarixi mənbələrə görə, Osmanlı dövründə tikilən və 18-ci əsrə aid edilən körpü iki tağdan ibarətdir. Uzunluğu 47,5 metr, eni 5,5 metr, hündürlüyü 10,5 metr olan körpünün böyük tağı zəlzələ nəticəsində tamamilə dağılıb. Mədəni sərvət kimi qeydə alınan körpünün yeganə kiçik tağı zəlzələdən sağ çıxıb. Kəndlilər ağaclardan körpüyə keçid yolu düzəldiblər.
Kənd sakinləri körpünün yenidən bərpa olunmasını istəyirlər. “İllərə meydan oxuyan və İpək Yolu üzərində yerləşən bu körpümüzün 18-ci əsrdə Osmanlı dövründə tikildiyi təxmin edilir. O, fevralın 6-da zəlzələ zamanı dağıldı. Bu hadisə bizi çox kədərləndirdi. Dövlət ağsaqqallarımızdan bununla bağlı dəstək gözləyirik. Körpünün bərpa olunmasını istəyirik”, - deyə kənd sakinlərindən biri qeyd edib.
Mənbə: Haber Global
oxu.az
Badamdarda torpaq sürüşməsi təhlükəsi - VİDEO
Media və Yayım Şurası Fransadan idarə olunan "YouTube" kanalını ifşa edib
Ali məktəblər üçün yeni dövr: Hansı universitetlərə xüsusi status veriləcək?
Tələbələrin fotolarını montaj edib şantaj edən şəxs saxlanıldı - VİDEO
Bakı-Qazax yolunda təhlükəli vəziyyət - VİDEO
Nəvəsinin andiçmə mərasiminə gələrək itkin düşən kişinin meyiti tapıldı
Bakı körpülərinin sədləri nə qədər təhlükəsizdir? - RƏSMİ CAVAB
“Sükan arxasında insan həyatı ilə oynamaq bağışlanmaz məsuliyyətsizlikdir” - Rövşən Tağıyev
Məhkəmə generalın qızı ilə bağlı QƏRAR VERDİ
Bakıda külək güclənəcək - XƏBƏRDARLIQ
Zelenski İlham Əliyevlə görüşə gəldi - VİDEO












