90-lıq yolda öz kefi ilə hərəkət edən sürücü qəza şəraiti yaratdı - VİDEO

Bakı-Sumqayıt yolunda kobud qayda pozuntusu törədən sürücü qəza şəraiti yaradıb. Avtosfer.az xəbər verir ki, 99-BF-527 qeydiyyat nişanlı "Mercedes" markalı avtomobilin sürücüsü üzü Sumqayıt istiqamətinə hərəkət edən zaman qəfildən sağa- Xırdalan dairəsi istiqamətinə manevr edib. Bu zaman sağ zolaqla düzünə hərəkət edən "Mercedes S Class" markalı avtomobilin qarşısına çıxaraq onu sıxışdırıb. Nəticədə qəza şəraiti yaranıb.
Eyni zamanda videogörüntüdən də aydın şəkildə görünür ki, qaydaları pozan avtomobilin mühərrik hissəsində problem olduğu üçün ekoloji cəhətdən havanı çirkləndirib. Belə nəqliyyat vasitəsinin istismarı isə qadağandır.

Qeyd edək ki, qəza şəraiti yaranan bu nöqtədə gün ərzində onlarla sürücü istər tıxac zamanı, istərsə də tıxac olmayan zaman bu qayda pozuntusunu törədərək yolda hərəkəti çətinləşdirirlər.

Şəfa