Aeroport yolunda təhlükəli manevr edərək ölüm saçan "Land Cruiser" - 10 MC 999 - VİDEO

Hava limanı yolunda ən sağ zolaqdan birbaşa sol zolağa keçib dönməyə çalışan sürücünü qəzadan yayındıran bəxti deyil arxadan gələn sürücünün düzgün qaydada avtomobil idarə etməsi olub. Avtosfer.az bildirir ki, 10-MC-999 nömrə nişanlı "Toyota Land Cruiser" markalı avtomobilin sürücüsü qaydaları heçə sayaraq bir avtomobil dolusu ailənin həyatını təhlükəyə atıb. Belə ki, hava limanı yolunda ən sağ zolaqda hərəkətdə olan sürücü bir anda dönməyə qərar verib və döngəni ötüb keçməsinə baxmayaraq birbaşa sağdan manevr edərək sola keçməyə çalışıb. Bu zaman o, hadisəni lentə alan avtomobilin önünə çıxıb. 4 zolağı birdən keçməyə çalışan məsuliyyətsiz sürücü qarşısına çıxdığı avtombildəki bütün ailənin həyatını riskə atıb.

Hadisəni lentə alan sürücü əgər ehtiyatlı şəkildə avtomobil idarə etməsəydi bir ailənin faciəsi yaşanacaqdı. Kimə görə? Hansısa nömrəsi göz qamaşdıran özbaşına sürücüyə görə.

Aysel