Agentlik texnikaların yanğın təhlükəsizliyi sistemini yoxlayıb - FOTO

Aqrar Xidmətlər Agentliyinin Tovuz rayonu üzrə Texniki Nəzarət şöbəsinin əməkdaşı Gəncə Regional Dövlət Yanğın Nəzarəti İdarəsinin inspektoru ilə birlikdə rayon ərazisində olan kənd təsərrüfatı texnikalarına, dənli bitkilərin yığımına hazırlaşan kombayn və hazırda yığımda iştirak edən texnikalara yerində baxış keçiriblər. Agentlikdən Avtosfer.az-a daxil olan məlumata görə, texnika sürücülərinə müvafiq "Kombayınçının təhlükəsizlik qaydaları" təlimatı və yanğın təhlükəsizliyi ilə bağlı qaydalara ciddi riayət olunması tapşırılıb, təlimatlar təqdim edilib.

Texnikalarda olan yanğınsöndürən cihazlar yoxlanılıb. Bundan başqa, yanğın zamanı qoruyucu şum zolağı yaratmaq ücün fikir mübadiləsi aparılıb. Traktorun kotanla birgə və böyük həcmli su çəni ilə təchiz olunmuş texnikanın istismara hazırlıq vəziyyəti araşdırılaraq müvafiq tövsiyələr verilib.

Fərid