Ağzı söhbətə qızışan polis qəza şəraiti yaratdı - VİDEO

Xırdalan şəhərində yol hərəkəti qaydasını kobud şəkildə pozan polis əməkdaşı qəza şəraiti yaradıb. Avtosfer.az">Avtosfer.az xəbər verir ki, çevik polis alayı əməkdaşı idarə etdiyi 99-NH-398 qeydiyyat nişanlı "VAZ-21015" markalı avtomobillə sentyabrın 20-i Xırdalan şəhəri, Mehdi Hüseynzadə küçəsində dayanma-durma qaydasını pozaraq yolu kəsib. Yolayrıcı qarşısında ikinci cərgədə dayanıb söhbət edən polis əməkdaşları həmin yolayrıcında manevr edən sürücülərə maneə törədib.
Görüntünü qeydə alan sürücü sola dönən zaman o, qəfildən hərəkətə başlayaraq qəza şəraiti yaradıb.

Xatırladaq ki, yolda dayanma-durmanı qadağan edən 3.27 nişanı olmasa da belə, bu cür "T" şəkilli yolayrıclarında dayanma qadağandır. "Yol hərəkəti haqqında" qanunun 52-ci maddəsinin IV hissəsinin 6-cı bəndində qeyd olunub ki, üçtərəfli yolayrıclarındakı yan keçidin qarşı tərəfində, hərəkət hissələrinin kəsişməsində və kəsişən hərəkət hissəsinin kənarından 5
metrdən az yaxınlıqda dayanma-durma qadağandır.

Fərid