Asta gedən motosiklet sürücüsü 95-lə radara düşdü - VİDEO

Bakıda haqsız yerə cərimələndiyini iddia edən sürücü redaksiyamıza müraciət edib. Avtosfer.az xəbər verir ki, 99-E-237 dövlət nömrə nişanlı motosikletin sürücüsü Mikayıl Əliyev küçəsində sürət həddini aşmadan hərəkət edib. Lakin yol polisi avtomobilinin üzərində quraşdırılmış e-patrul sistemi onun 95 km/saat sürətlə getdiyini qeydə alıb. Halbuki, təqdim olunan videogörüntüdə sürücünün sürət həddini aşmadığı açıq şəkildə görünür.

Qeyd edək ki, bəzən xüsusi texniki vasitələrdə bu cür texniki səhvlər baş verir. Belə hallarda məsələ araşdırılır və nöqsan təsdiqlənərsə, cərimə qərarı ləğv edilir.

Ümid edirik ki, bu hadisədə də səhv qısa zamanda aradan qaldırılacaq və sürücünün cəriməsi ləğv olunacaq.

Fərid