Avtomobilinə saxta nömrə bağlayan sürücü həbs edildi - FOTO

Bakıda polisə tabe olmayan sürücü həbs edilib. Avtosfer.az xəbər verir ki, sürücü Muradov Kamil Mirsayad oğlu idarə etdiyi "Khazar" marakalı avtomobilin üzərinə Litva respublikasına məxsus saxta dövlət qeydiyyat nişanını təhkim edərək fevralın 1-i paytaxtın Səbail rayonu ərazisində yol hərəkəti qaydasını pozub. Ərazidə xidmət aparan polis əməkdaşlarının saxla işarəsinə tabe olmayan sürücü hadisə yerindən uzaqlaşmağa başlayıb. Polis əməkdaşları sürücünü dayandırdıqdan sonra o mübahisə etməyə başlayıb.

Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov Avtosfer.az-a açıqlamasında bildirib ki, saxlanılan sürücü ərazi aidiyyəti üzrə 9-cu Polis Bölməsinə gətirilib və barəsində toplanılmış materiallar Səbail Rayon Məhkəməsinə göndərilib. Fevralın 2-də məhkəmənin qərarı ilə 1983-cü il təvəllüdlü Samux rayon sakini Muradov Kamil Mirsayad oğlu 20 gün müddətinə inzibati qaydada həbs edilib və nəqliyyat vasitəsini idarə etmə hüququ 1 ilədək məhdudlaşdırılıb.

Təbriz