Avtomobilini evakuatorda aparan sürücü CƏRİMƏLƏNDİ - FOTO

Yol polisinin kamerası tərəfindən texniki baxışa görə haqsız cərimələnən sürücü redaksiyamıza şikayət ünvanlayıb. Avtosfer.az">Avtosfer.az xəbər verir ki, 10-HX-057 qeydiyyat nişanlı "Nissan" markalı avtomobilin sürücüsü Fuad Məmmədovun iddiasına görə, yaranan nasazlıq səbəbindən onun avtomobili fevral ayından sürülmür. Sentyabrın 22-də avtomobili evakuatorla servisə apararkən texniki baxışdan keçməməyə görə kamera vasitəsi ilə onun barəsində 50 manat cərimə tərtib olunub.
Sürücü həmin protokolun haqsız yazıldığını bildirərək Dövlət Yol Polisi İdarəsinin rəhbərliyindən köməklik göstərilməsini xahiş edir.

Qeyd edək ki, evakuatorun üzərində aparılan avtomobilin texniki baxışdan keçirilməməsinə və ya icbari sığorta müqaviləsinin bağlanmamasına görə sürücü barəsində protokol tərtib edilməsi qanunauyğun sayılmır.

Fərid