"Avtoş" sürücü qırmızıda keçdi, qəza şəraiti yaradıb yolu kəsdi, sonra isə... - VİDEO

Yolda öz qanunları ilə hərəkət edən sürücü kobud qayda pozuntuları törədərək avtoxuliqanlıq hərəkəti edib. Avtosfer.az">Avtosfer.az xəbər verir ki, 77-PB-762 qeydiyyat nişanlı "Khazar" markalı avtomobilin sürücüsü sentyabrın 20-i Masazır dairəsində svetoforun qırmızı işığının yanmasına əhəmiyyət verməyərək yolayrıcına daxil olub və qarşıdakı svetoforda da dayanmadan hərəkətinə davam edib. O, bu hərəkəti etməklə gedəcəyi yerə tez çatacağını düşünsə də, bu belə olmayıb.
Həmin sürücü Xırdalan şəhəri Qəzənfər Musabəyov küçəsində bütöv xəttin tələbini pozaraq əks zolaqda ötmə əməliyyatı edən zaman digər sürücüyə qəza şəraiti yaradıb. Qayda pozması azmış kimi üstəlik yolda hərəkəti dayandıraraq mübahisə etməyə başlayıb.
Daha sonra avtomobili qəflətən sürətləndirməklə təkərlərin yolun səthi ilə sürtünməsi səslərinin çıxaran sürücü yolun səthində təkər izləri buraxaraq əhalinin dincliyini nümayişkaranə şəkildə pozub.

Təbriz