"Kamaz"ın daşıdığı çınqıl maşının üzərinə dağıldı - 57-BL-921 - VİDEO

Bakı-Qazax yolunda hərəkət edən yük avtomobilindən yola dağılan çınqıl digər avtomobilin üzərinə düşüb. Avtosfer.az xəbər verir ki, hadisə fevralın 21-i sözügedən yolun Ağstafa rayonu ərazisində baş verib. Belə ki, 57-BL-921 qeydiyyat nişanlı "Kamaz" markalı avtomobilin sürücüsü daşıdığı yükün üzərini örtüklə bağlamadığı üçün çınqıl yola dağılıb. Nəticədə arxadan gələn minik avtomobilinin banının müxtəlif yerlərinə dəyib.

"Yol hərəkəti haqqında" qanunun 57-ci maddəsinin II hissəsində qeyd olunub ki, yükün düşməməsi, hərəkətə mane olmaması üçün sürücü hərəkətə başlamazdan əvvəl və hərəkət vaxtı yükün yerləşdirilməsinə, bağlanmasına və vəziyyətinə nəzarət etməlidir.
Həmçinin həmin maddənin VII hissəsinə əsasən taxıl, ot, yem və tökülən digər yüklər daşınarkən, onların üstünə örtük çəkilməlidir.

Fərid