Bakıda 15 gündə iki dəfə sərxoş maşın sürən şəxs həbs olundu - FOTO

Bakı şəhər sakini Elvin Rzayev sərxoş vəziyyətdə avtomobil idarə etdiyi üçün həbs olunub. Avtosfer.az xəbər verir ki, təxminən 15 gün əvvəl Sumqayıt şəhərində 99 GF 124 dövlət nömrə nişanlı, "Mercedes" markalı avtomobili sərxoş vəziyyətdə idarə etdiyi üçün yol polisi tərəfindən saxlanılıb və barələrində inzibati protokol tərtib olunub. 
Dünən isə Elvin Rzayev yenidən Bakı şəhərində sərxoş vəziyyətdə avtomobil idarə edib. Yol polisləri tərəfindən saxlanılan sürücü müayinə olunub. Sərxoş olduğu aşkarlanıb. 
Barəsində toplanmış materiallar aidiyyəti üzrə Nizami rayon məhkəməsinə təqdim olunub. Məhkəmənin qərarı ilə o, 2 il sürücülük hüququndan məhrum edilməklə 8 gün müddətində inzibati qaydada həbs edilib