Bakıda "ara işləyən" sürücü 4 dəfə qəza şəraiti yaratdı - VİDEO

Manevr qaydasını dəfələrlə pozan sürücü yolda digər sürücülərə təhlükə yaradıb. Avtosfer.az xəbər verir ki, hadisə aprelin 23-də, paytaxtın Mikayıl Müşviq küçəsində qeydə alınıb. Belə ki, 99-NH-902 qeydiyyat nişanlı "Renault" markalı avtomobilin sürücüsü qarşısı boş ola-ola orta zolağa yerdəyişmə edib. Bu zaman ona qəza şəraiti yaradıb. Daha sonra sıxlıq zamanı özünə yer tapa bilməyən sürücü qəfildən sol zolağa keçərək digər avtomobilə qəza şəraiti yaradıb. O, yenidən sağ zolağa yerdəyişmə edərək görüntünü qeydə alan avtomobilə növbəti dəfə təhlükə yaratdı. Bütün bunlar azmış kimi qaydaları pozan sürücü bir az qarşıda növbəti dəfə sol zolağa yerdəyişmə edərək sol zolaqdakı avtomobilə təhlükə yaradıb. Sonuncu qayda pozuntusu görüntüyə  əks olunmasa da, qəza şəraiti ilə üzləşən sürücünün səs siqnalı verməyindən hər şey aydın oldu.

Fərid