Bakıda avtobus sürücüsü məktəblinin həyatını təhlükəyə atdı - VİDEO

Bakıda avtobus sürücüsünün hərəkətlərini qeydə alan oxucu həmin videogörüntünü redaksiyamızın qaynar xəttinə göndərib. Avtosfer.az xəbər verir ki, hadisə sentyabrın 20-də, Mehdiabad-Balaxanı yolunda baş verib. Belə ki, 145 saylı marşrut xətti üzrə fəaliyyət göstərən 90-LS-256 qeydiyyat nişanlı avtobusun sürücüsü qapısı açıq vəziyyətdə hərəkət edib. Görüntüdən də aydın şəkildə görünür ki, məktəbli oğlan qapıdan sallanaraq gedib. Onun həyatının təhlükədə olması sürücü üçün önəmli olmayıb.

Ümid edirik ki, aidiyyəti qurumlar sürücü barəsində ciddi tədbir görəcək.

Könül