Bakıda yolun ortasında dayanıb sola dönən taksi sürücüsü qəza şəraiti yaratdı - VİDEO

Bakıda yol hərəkəti qaydasını pozan taksi sürücüsü qəza şəraiti yaradıb. Belə ki, 99-NX-462 qeydiyyat nişanlı "Mercedes" markalı avtomobilin sürücüsü paytaxtın Zabrat yolunda sola dönmək üçün yolun hərəkət olan hissəsində dayanaraq arxadan gələn sürücüləri çətin vəziyyətə salıb. Görüntünü qeydə alan sürücü peşəkarlıq göstərərək baş verə biləcək qəzadan yayına bilib.
Qeyd edək ki, yolun həmin hissəsində qoşa xətt olduğu üçün oradan sola və geriyə dönmək qadağandır.

Yollarda taksi sürücülərinin daha çox qayda pozması tez-tez müşahidə olunur. Onlar "çörək qazanıram, balalarıma çörək aparmalıyam" prinsipi ilə hərəkət edib kobud qayda pozuntuları edirlər. Bu isə həm özlərinə, həm də digər hərəkət iştirakçılarına real təhlükə yaradır, bəzən isə ağır qəzalarla nəticələnir. Kiminsə pul qazanması digərlərinə təhlükə yaradılması ilə nəticələnməməlidir.