Bakıda dostlarını maşına mindirib "cavanlıq" edən sürücü 800 manatlıq qayda pozdu - VİDEO

Bakıda avtomobilinə qanunsuz işıqlar quraşdıran sürücü özünü videoya çəkərək sosial şəbəkədə paylaşıb. Avtosfer.az xəbər verir ki, 10-TY-307 qeydiyyat nişanlı “VAZ-2107” markalı avtomobilin sürücüsü alın şüşəsinə göy və qırmızı sayrışan işıqlar quraşdıraraq Xətai rayonu ərazisində hərəkət edib. Eyni zamanda videodan aşkar şəkildə görünür ki, sürücü avtomobilin asqı sisteminə də normativ tələblər pozaraq avadanlıq quraşdırıb.

Qeyd edək ki, İnzibati Xətalar Məcəlləsində sayrışan işıqlara görə ciddi cərimə sanksiyası nəzərdə tutulub. Belə ki, məcəllənin 342.9-cu maddəsinə əsasən, xətanı törədən sürücünü 500 manatdan 800 manatadək cərimə gözləyir.