Bakıda "Niva"-nın nömrəsini dəyişib "avtoşluq" edən sürücü həbs edildi - VİDEO

Bakının müxtəlif yerlərində avtoxuliqanlıq edən sürücü həbs edilib. Avtosfer.az">Avtosfer.az xəbər verir ki, sürücü Şərifov Nurməhəmməd Məhəmməd oğlu "Cehvrolet Cruze" markalı avtomobilə məxsus 99-LZ-092 qeydiyyyat nişanını "Niva" markalı avtomobilə təhkim edərək martın 24-ü paytaxtın Xətai, Səbail, Nəsimi və Yasamal rayonu ərazilərində avtoxuliqanlıq hərəkətləri edib.

Bakı Şəhər Dövlət Yol Polisi İdarəsinin şöbə rəisi polis polkovniki Vaqif Əsədov Avtosfer.az">Avtosfer.az-a açıqlamasında bildirib ki, sürücünün müəyyən olunması üçün aprelin 12-də raport tərtib edilib. Paytaxtın Üzeyir Hacıbəyov küçəsi ilə Azadlıq prospektinin kəsişməsində sürücünün hərəkət etməsi müşahidə edilərək dayandırılması üçün göstəriş verilib. Lakin həmin sürücü polisin qanuni tələbinə qəsdən tabe olmayaraq hadisə yerindən yayınmağa çalışıb. Digər polis əməkdaşlarının köməyi ilə sürücü dayandırılaraq ərazi aidiyyəti üzrə 39-cu Polis Bölməsinə təhvil verilib.

Vaqif Əsədov qeyd edir ki, onun barəsində toplanılmış materillar baxılması üçün Səbail Rayon Məhkəməsinə göndərilib. Aprelin 13-ü  keçirilən məhkəmə zamanı Şərifov Nurməhəmməd Məhəmməd oğlunun sürücülük hüququ 2 il müddətinə məhdudlaşdırılmaqla 50 gün müddətinə inzibati qaydada həbs edilib.
 

Təbriz