Bakıda parklanma qaydasını kobud şəkildə pozan sürücüləri DYP cərimələdi - FOTO

Bakıda dayanma-durma qaydasını kobud şəkildə pozan iki sürücü cərimələnib. Bu barədə Bakı şəhər Dövlət Yol Polisi İdarəsindən məlumat verilib. İdarənin bölmə rəisi, polis polkovniki Vaqif Əsədov bildirir ki, dayanma-durma qaydalarını pozan sürücülərin Avtosfer.az saytında dərc edilmiş fotolarına tərəfimizdən baxış keçirilib. Belə ki, paytaxtın Yasamal rayonu Əsəd Əhmədov küçəsində avtobus dayanacağını zəbt edən 99-VT-527 qeydiyyat nişanlı “Chevrolet” markalı avtomobilin sürücüsü Babayev Elvin Rafail oğlu 40 manat məbləğində, Şövkət Ələkbərova küçəsində döngədədə parklanma qaydasını pozan 10-BV-090 qeydiyyat nişanlı “Mitsubishi” markalı avtomobilin sürücüsü Axundova Nigar Sabir qızı isə 20 manat məbləğində cərimələnib.

Şəfa