Bakıda parklanma qaydasını pozan sürücü yolu keçilməz etdi - VİDEO

Bakıda dayanma-durma qaydasını pozan sürücü yolda hərəkəti çətinləşdirib. Avtosfer.az xəbər verir ki, 99-GX-660 qeydiyyat nişanlı "Hyundai" markalı avtomobilin sürücüsü paytaxtın Əhməd Rəcəbli küçəsində yolun sol tərəfində avtomobili qanunsuz şəkildə park edib. Bu səbəbdən yük avtomobilinin sürücü həmin vaxt oradan keçə bilməyib.
Qeyd edək ki, bulvar tipli ayırıcı zolağı olan yolların sol tərəfində dayanma-durma qadağandır. Həmçinin ensiz küçələrdə icazə verilmiş yerdə dayanərkən yolun digər tərəfində park edilmiş avtomobillə minimum 3 metr məsafə olmalıdır. Videodan da göründüyü kimi sürücü avtomobili park edərkən, yolun digər tərəfindəki avtomobillə arasında olan məsafəyə də əhəmiyyət verməyib.