Bakıda qəza yerində qalan avtomobil sıxlığa səbəb oldu - VİDEO

Bakıda baş verən qəza yolda sıxlığa səbəb olub. Oxuculardan biri qeydə aldığı videonu redaksiyamızın elektron ünvanına göndərib. Avtosfer.az xəbər verir ki, hadisə paytaxtın Əhməd Rəcəbli küçəsində baş verib. İki avtomobilin toqquşması ilə baş verən qəzadan sonra yolda qalan “Toyota Prius” markalı avtomobil sıxlığa səbəb olub.

Bəzən sürücülər baş verən yüngül qəzadan sonra avtomobili hadisə yerindən tərpətməyib sığorta və polis əməkdaşlarının gəlməsini gözləyirlər. Bu zaman yolda sıxlıq və tıxac yaranır.

Qeyd edək ki, yol nəqliyyat hadisəsi zamanı zərərçəkmiş sürücü ilə hadisəyə səbəb olan sürücü razılığa gəlirsə avtomobilləri hadisə yerində saxlamağa ehtiyac qalmır.

Fərid