Bakıda "qoçu"luq edən sürücü yol kəsir, söyüş söyüb qayda pozur... - VİDEO

Paytaxtın mərkəzində "qoçu"luq edən sürücü qəza şəraiti yaratmaqla kifayətlənməyərək söyüş söyüb və yol kəsib. Avtosfer.az bildirir ki, hadisə barədə video-görüntünü zərərçəkən sürücü redaksiyamıza göndərib. Görüntülərdən də aydın olur ki, 90-FO-838 nömrə nişanlı, “Chevrolet Aveo” markalı avtomobilin sürücüsü sağdan ötmə edərək qəza şəraiti yaradıb. Toqquşmadan yayınmaq üçün verilən siqnal səsi isə onun xoşuna gəlmədiyindən qoçuluq etməyə başlayıb. O, ilk öncə zərərçəkənin qarşısına keçərək onun yolunu kəsib. Yolu kəsilən sürücü eyni hərəkəti təkrarlayaraq o, da “Chevrolet”in yoluna çıxıb. Bu “qoçu” sürücünü daha da qəzəbləndirdiyi üçün o, yenə də eyni avtomobilin qarşısına çıxaraq  əl-qol hərəkətləri edərək söyüşlər söyüb. Bununla yanaşı o, təhlükəli idarəetmə edərək arxadan gələn sürücünü qorxutmağa çalışıb. Zərərçəkən sürücü lazımı yerlərə şikayət etdiyini, lakin, bu “qoçu” sürücünün hələ də tapılıb cəzalandırılmadığını da qeyd edib. 

Aysel