Bakıda "qoçuluq" edən sürücü yol polisləri tərəfindən SAXLANILDI - VİDEO

Bakıda qoçuluq edən sürücü saxlanıldı. Bakı şəhər Dövlət Yol Polisi İdarəsinin bölmə rəisi, polis polkovniki Vaqif Əsədov bu barədə Avtosfer.az-a açıqlamasında bildirib: "Paytaxtın Balaxanı-Binəqədi yolunda əks yola çıxaraq axına qarşı hərəkət edən 10-NF-666 qeydiyyat nişanlı "BMW" markalı avtomobilin sürücüsü saxlanılıb. Qaydaları kobud şəkildə pozduğu üçün sürücü Ə.Laçınlı İnzibati Xətalar Məcəlləsinin 327.4-cü maddəsi ilə 4 bal 100 manat məbləğində cərimə edilib".

Xatırladaq ki, 10-NF-666 qeydiyyat nişanlı "BMW" markalı avtomobilin sürücüsü oktyabrın 22-də paytaxtın Balaxanı-Binəqədi yolunda hərəkət edərkən əks istiqamətli zolağa çıxıb. Sürücü qarşıdan gələn avtomobillərin üzərinə gedərək görüntünü qeydə alan avtomobili ötməyə çalışıb. Lakin ötməni başa çatdıra bilmədiyini görən sürücü əks zolaqla hərəkətinə davam edib. Onun bu hərəkəti həm görüntünü qeydə alan sürücüyə, həm də qarşıdan gələn sürücülərə təhlükə yaradıb.

Təbriz