BAKIDA ŞOK PROTOKOL: Dayanma-durmaya görə 300 manat cərimə yazılır - FOTO

Bakıda dayanma-durma qaydasını pozan sürücü hər dəfə 300 manat məbləğində cərimə edilir. Bu barədə cərimə edilən Elçin Hüseynov adlı sürücü Avtosfer.az-ın qaynar xəttinə şikayət ünvanlayıb. O bildirir ki, idarə etdiyi 77-PB-037 qeydiyyat nişanlı “Skoda” markalı avtomobillə dayanma-durma qaydasını pozan zaman 20 manat əvəzinə 300 manat məbləğində cərimə yazılır: “Qeyd etdiyim avtomobil şirkətə məxsusdur. Mən bu avtomobili yol vərəqəsi ilə idarə edirəm. Artıq 5-6 dəfədir ki, dayanma-durma qaydasını pozduğum zaman 300 manat cərimə yazılır. Lakin protokolda mənim yox, Cəbiyev Fikrət Əziz oğlunun adı yazılır. Yəni, protokol Cəbiyev Fikrətin adına tərtib olunur. Qeyd edim ki, mən bu şəxsi tanımıram və şirkətdə bu adda əməkdaş çalışmır. Tərtib edilmiş cərimənin 3-nü şirkət hesabına ödəmişik ki, avtomobilin duracağa qoyulması haqqında qərar qəbul edilməsin. Lakin bu halın dəfələrlə təkrarlanması bizi narahat edir. Xahiş edirəm ki, məsələ araşdırılsın və tərtib edilmiş protokollar ləğv edilsin” – deyə Elçin Hüseynov bildirib.

Könül