Binəqədidə vaxtından əvvəl yolayrıcına girən sürücülər hərəkəti əngəllədi - VİDEO

Paytaxtın Binəqədi rayonu, Atatürk prospekti ilə Səttar Bəhlulzadə küçəsinin kəsişməsində qayda pozan sürücülər kameraya düşüb.

Avtosfer.az-ın məlumatına görə, hadisə noyabrın 25-də saat 08:34 radələrində qeydə alınıb. Kadrdan göründüyü kimi, 99-DD-015 dövlət nömrə nişanlı “Hyundai” markalı avtomobilin sürücüsü işıqforun son saniyələrində yolayrıcına daxil olub. Ardınca 77-PY-966 dövlət nömrə nişanlı “Toyota” markalı avtomobilin sürücüsü işıqforun sarı işığına əhəmiyyət vermədən hərəkətini davam etdirib. Nəticədə yolayrıcına daxil olan sürücülər sol tərəfdən gələn nəqliyyat axınına mane olaraq hərəkəti iflic vəziyyətinə salıblar.

Qanunvericilik və təhlükəsizlik baxımından hər bir sürücü yolayrıcına yalnız işıqforun yaşıl işığında, hərəkətin tam təhlükəsiz olduğu vəziyyətdə daxil olmalıdır. Sarı və qırmızı işıqlar aktiv olan zaman yolayrıcına girmək, yalnız özünü deyil, digər yol iştirakçılarını da təhlükəyə atır və ağır inzibati məsuliyyət yaradır. Sürücülər hər zaman digər avtomobillərin və piyadaların hərəkətini nəzərə almalı, ani manevrlərdən çəkinməli və yolayrıcına daxil olduqda heç bir maneə yaratmamalıdırlar. Bu, həm qəzaların qarşısını almaq, həm də yol hərəkətinin təhlükəsizliyini təmin etmək üçün əsas prinsiplərdəndir.

Nərmin