Bir əlində siqaret, birində isə telefon: Ölümə gedən sürücü - VİDEO

Paytaxtın Bayıl qəsəbəsində qaydaları pozan sürücü qəza şəraiti yaradıb. Avtosfer.az xəbər verir ki, hadisə noyabrın 23-də, Gülbala Əliyev küçəsində qeydə alınıb.

Belə ki, 99-OV-842 qeydiyyat nişanlı "Opel" markalı avtomobilin sürücüsü stop nişanında dayanmadan gəldiyi sürətlə yolayrıcına daxil olub. Bu zaman baş yolda hərəkət edən avtomobilin qarşısına çıxaraq ona qəza şəraiti yaradıb. Görüntünü qeydə alan sürücü peşəkarlıq göstərərək baş verə biləcək qəzanın qarşısını alıb.

Qeydə alınmış videogörüntüdən aydın şəkildə görünür ki, qaydaları pozan sürücü sol əlində siqaret, sağ əlində isə telefon tutaraq sükanı başlı-başına buraxıb. Onun fikri yolda olmadığı üçün digər sürücüyə qəza şəraiti yaradıb.

Baş verən qəzaların səbəblərindən biri də sürücülərin məsuliyyətsizliyidir. Sükan arxasına əyləşən hər bir sürücünün diqqəti yalnız yolda olmalı və qanunvericiliyin bütün müddəalarına əməl etməlidir.

Könül Rauf