Karantin vaxtı Bakıda təkər qaldıran iki "avtoş" - VİDEO
Qaydalar 18 May 2020 09:30 Oxunub 1670
Karantin vaxtı Bakıda  təkər qaldıran iki "avtoş" - VİDEO
Müxtəlif hərəkətlərlə avtoxuliqanlıq ediblər

Bakıda avtoxuliqanlıq edən iki sürücünün görüntüsü öz tanışları tərəfindən qeydə alınaraq sosial şəbəkədə yayılıb. Avtosfer.az xəbər verir ki, 90-HX-242 qeydiyyat nişanlı və 99-TB-248 qeydiyyat nişanlı "Vaz 2107" markalı avtomobillərin sürücüləri karantin rejimi dövründə paytaxtın müxtəlif küçələrində hərəkət edərək avtoxuliqanlıq ediblər. Onlar avtomobillə iki təkər qaldırır, əl əyləci ilə avtomobili fırladır və müxtəlif manevrlərlə təhlükəli hərəkət edirlər. 90-HX-242 qeydiyyat nişanlı avtomobili idarə edən sürücü bir neçə videoda qeydiyyat nişanlarını çıxararaq hərəkət edib və paytaxtın Azneft dairəsindəki karantin postuna qeydiyyat nişanları olmadan əks istiqamətlə daxil olaraq polisləri ələ salmağa başlayıb.

Qeyd edək ki, həmin sürücülərin idarə etdikləri avtomobillərin konstruksiyasında da ciddi nöqsanlar var.
Ümid edirik ki, hüquq mühafizə orqanlarının əməkdaşları avtoxuliqanlıq edən hər iki şəxs barədə qanunamüvafiq tədbir görəcək.

Təbriz

ŞƏRH YAZ
Ad

E-mail

Şərh