Bu cür hərəkət etməyin: Sonu faciə ilə bitə bilər - VİDEO

Sürətli yolda manevr qaydasını pozan sürücünün təhlükəli hərəkətləri kameraya düşüb. Avtosfer.az">Avtosfer.az xəbər verir ki, 10-DV-112 qeydiyyat nişanlı "Mercedes" markalı avtomobilin sürücüsü martın 6-ı gecə saatlarında Bakı dairəvi yolunda hərəkət edən zaman yolu səhv salıb. Bu səbəbdən sürücü geriyə hərəkət edərək yolayrıcından sağa- Yeni Yasamal istiqamətinə getmək istəyib. Onun bu hərəkəti arxadan gələn nəqliyyat vasitələrinə real təhlükə yaradıb. Görüntünü qeydə alan sürücü təhlükəni görən anda sürətini azaldaraq toqquşmanın qarşısını ala bilib.

Qeyd edək ki, sürücülərin törətdiyi bu cür qayda pozuntularına görə dəfələrlə faciəvi şəkildə qəzalar baş verib. Təəssüflər olsun ki, bu hərəkətin nə ilə nəticələnə biləcəyini heç kim öncədən düşünmür. Sürücülərə tövsiyə edirik ki, getmək istədikləri istiqaməti vaxtında düzgün seçmədikləri halda dayanıb geriyə hərəkət etməsinlər. Qarşıdakı ən yaxın yolayrıcından istifadə etməklə getməli olduqları yerə təhlükəsiz şəkildə hərəkət edə bilərlər. Bir neçə yüz metr məsafə və yaxud bir neçə dəqiqə vaxt itirməklə həm öz həyatlarını, həm də digər insanların həyatını qoruya bilərlər.

Təbriz