Bu küçədə tələsən sürücüləri yol polisi belə tutur - VİDEO

Paytaxtın Aşıq Molla Cümə küçəsində sürücülər tıxcac zamanı kobud qayda pozuntusu törədirlər. Bu barədə dəfələrlə Avtosfer.az saytında videomateriallar dərc edilib. Bundan sonra yol polisi həmin ərazini nəzarətə götürüb. Sıxlıq zamanı qoşa xəttin tələbini pozaraq əks yola çıxan sürücüləri Ziya Bünyadov prospektində dayanmış yol polisi əməkdaşları cərimələyir. Buna görə də sürücülərə tövsiyə edirik ki, yolda səbirli olsunlar. Qeydə alınmış videogörüntüdəki sürücü əks yola çıxaraq vaxt qazanmaq istəyir. Lakin yol polisi onu saxladıqdan sonra ən azı 5-10 dəqiqə vaxt itirdi. Ən pis halda isə bu cür hərəkətin sonu qəza ilə nəticələnə bilir.

Fərid