Bu küçədən avtobus keçmir, amma dayanacaqda cərimə yazılır - VİDEO

Bakıda dayanma-durma qaydasının pozulmasına görə cərimələnən sürücü Avtosfer.az-ın qaynar xəttinə şikayət ünvanlayıb. Sürücü bildirir ki, idarə etdiyi 99-LL-466 qeydiyyat nişanlı "Honda" markalı avtomobili paytaxtın Nizami küçəsində (Landmark otelinin qarşısında) avtobus dayanacağında park etdiyi üçün cərimələnib. Sürücü hesab edir ki, onun barəsində tərtib edilmiş protokol düzgün deyil: "Həmin küçədən ümumiyyətlə avtobuslar keçmir. Dayanacaq avtobusların istifadəsində deyil. Əgər həmin küçədən avtobus keçmirsə, dayanacaqda avtobus dayanmırsa kimə lazımdır dayanacaq?  Avtobus dayanacağından 9 metr sonra isə parklanma yerini bildirən nişan quraşdırılıb. Avtobus dayanacağına 15 metrdən yaxın dayanmaq olmazsa bəs o nişan necə quraşdırılıb"?- deyə oxucu öz narazılığını bildirib.

Fərid