Bu qaydanı pozsanız 2500 manat cərimə oluna bilərsiniz

Bəzi sürücülər avtomobildə maqnitafona yüksək səslə qulaq asır. Xüsusilə gecə saatlarında bunun qadağan olduğu və cərimə tətbiq olunmasını bəlkə də sürücülərin çoxu bilmir.

Avtosfer.az xəbər verir ki, İnzibati Xətalar Məcəlləsinin 21-ci maddəsinə əsasən məişət səs-küyünə qarşı mübarizə qaydalarının pozulmasına qarşı vətəndaşlara cərimə tətbiq olunur.
Belə ki, mənzillərdə, yaşayış evlərinin girişlərində və həyətlərində, küçələrdə, istirahət yerlərində və digər ictimai yerlərdə gecə vaxtı saat 24-dən 7-dək səs-küy salmağa, ucadan mahnı oxumağa, musiqi alətlərini ucadan çalmağa, televizorları, radioqəbulediciləri, maqnitofonları və digər aparatları gur səslə oxutmağa, məişət səs-küyünə qarşı mübarizə tələblərini başqa üsulla pozmağa görə, fiziki şəxslər yüz əlli manatdan iki yüz manatadək məbləğdə, vəzifəli şəxslər iki min manatdan iki min beş yüz manatadək məbləğdə cərimə olunur.

Şəfa